Առաջիկա օրերին կլինեն հրապարակումներ ապօրինի հարստացած անձանց մասին: Այս մասին կառավարության նիստից առաջ լրագրողների հետ ճեպազրույցում ասաց ՀՀ ԱԱԾ տնօրեն Արթուր Վանեցյանը:

Նա նշեց, որ ՀՀ ազգային անվտանգության ծառայությունը մայիսի 23-ից սկսել է ակտիվ գործողություններ՝ կոռուպցիոն շղթաներով հարստացած անձանց բացահայտումների առնչությամբ և առաջիկա օրերին հանրությանը կտրվի տեղեկատվություն:

Անդրադառնալով օրերս իր կողմից արված այն հայտարարությանը, թե Հայաստանում 350 անձ չգիտի, որ զբաղվում է խոշոր բիզնեսով և հարկեր չի վճարում, Վանեցյանը պարզաբանեց, թե չի ասել, որ 350 անձ կձերբակալվի.

«Նախնական օպերատիվ տվյալները հաստատվել են: Կան հրավիրված, բերման ենթարկված անձինք, աշխատանքները կատարվում են: Բարդ և մեծածավալ աշխատանք է, ու պետք է այնպես անենք, որ ոչ մեկի մոտ հարցերի տեղիք չտա այդ աշխատանքը, կարվի պրոֆեսիոնալ մակարդակով»,- ասաց նա: 

ԱԱԾ պետը, սակաւյն, չի պատասխանել՝ արդյոք բացահայտումներում կհնչեն բարձրաստիճան պաշտոնյաների անուններ: