ՀՀ նախկին վարչապետ Կարեն Կարապետյանը Հանրապետական կուսակցությունից դուրս գալու դիմում է ներկայացրել։ Լուրը VERELQ-ի հետ զրույցում հաստատեց ՀՀԿ կազմակերպչական հանձնաժողովի նախագահ Ռուբեն Թադևոսյանը:

«Դիմումը հիմք է ընդունվել»,- ասաց նա:

Ըստ մամուլի, Կարեն Կարապետյանի հետ ՀՀԿ-ից դուրս կգան նաև այն 7000 անդամները, որ իր հետ միասին էին անդամագրվել կուսակցությանը:

Հիշեցնենք, թավշյա հեղափոխությունից հետո Կարեն Կարապետյանը փաստացի սառեցրել էր իր անդամակցությունը ՀՀԿ-ին, իսկ ավելի ուշ ՀՀԿ ԳՄ նիստում հայտարարել, որ հրաժարվելու է Հանրապետական կուսակցության առաջին փոխնախագահի պաշտոնից։

Հոկտեմբերին հայտնի դարձավ, որ նա առաջարկ է ստացել ներառվել ռուսական «Զառուբեժնեֆտ» («Зарубежнефть») պետական նավթային ընկերության տնօրենների խորհրդի կազմում: