Կառավարությունն ավելացնում է «դայակների ծրագրի» ֆինանսավորումը 77 մլն դրամով

Emil Lazarian 2019
  • 22.08.2019

    •  

  • Հայաստան

    •  

  • arm

    •  

  • rus

 81

Կառավարությունն ավելացնում է «դայակների ծրագրի» ֆինանսավորումը։ Այս մասին այսօր կառավարության նիստում հայտարարեց Աշխատանքի և սոցիալական հարցերի նախարար Զարուհի Բաթոյանը։


Ներկայացված նախագծով Բաթոյանն առաջարկեց մինչև 3 տարեկան երեխաների խնամքում գտնվող ծնողներին աշխատանքի վերադառնալու դեպքում երեխայի խնամքի համար դայակին գումար հատկացնելու նպատակով լրացուցիչ 77 334 000 դրամ հատկացնել։


«Ցանկացողներն ավելի շատ են, դիմումները մեծ թիվ են կազմում։ Նախորդ տարի 200 է նախատեսված եղել, բայց, քանի որ այս տարվա ընթացքում շահառուների թիվը 475 է դարձել, մենք առաջնահերթությունների կարգով որոշեցինք ավելացնել շահառուների թիվը»,– ասաց Զարուհի Բաթոյանը` պարզաբանելով, որ ծրագրի գործողության ժամկետը յուրաքանչյուր շահառուի համար 2 տարի է, հետևաբար, այս տարի ծրագրում ընդգրկելով հարկ է հաշվի առնել, որ հաջորդ տարվա բյուջեում այդ գումարը ևս պիտի հատկացվի, գրում է Սպուտնիկը։


Կառավարության նիստը վարող ՀՀ վարչապետ Նիկոլ Փաշինյանը կարևորեց ծրագրի ընդլայնման անհրաժեշտությունը` նշելով, որ ծրագիրը նպատակին ծառայել է և պետք է շարունակվի` հետագայում ընդլայնվելու հեռանկարով։  


Հիշեցնենք` 2018թ–ին կառավարության ընդունած որոշմամբ, եթե մինչև 2 տարեկան երեխաների համար աշխատող ծնողները դայակ են վարձում, պետությունը փոխհատուցում է դայակին վճարվող ամսական վճարի 55 000 դրամը։ Սա ոչ միայն լրացուցիչ աջակցություն է աշխատող ծնողներին, այլև լուծում է դայակների` աշխատանքով ապահովված լինելու հարցը։


Նման աջակցությունից առաջնահերթ օգտվելու իրավունք ունեն մինչև 2 տարեկան երկու և ավելի երեխա, ինչպես նաև` հաշմանդամ երեխա ունեցող ծնողները։

Emil Lazarian

“I should like to see any power of the world destroy this race, this small tribe of unimportant people, whose wars have all been fought and lost, whose structures have crumbled, literature is unread, music is unheard, and prayers are no more answered. Go ahead, destroy Armenia . See if you can do it. Send them into the desert without bread or water. Burn their homes and churches. Then see if they will not laugh, sing and pray again. For when two of them meet anywhere in the world, see if they will not create a New Armenia.” - WS