Ա՜ Ա՜ Ա՜
Առաւօտեան արեւը ողողած էր պայծառ՛ կապոյտ
Երկինքը՝ գործի մղող ջերմութեամբ:
Մինչ սիրտդ, վիրաւոր թռչունի մը արիւնոտ
Կուրծքին պէս կը բաբախէ յուսահատ:
Ի՞նչ է այս ցաւը, որ դուն քեզի կու տաս
Սիրոյ խաբկանք մը ունենալու համար,
Որո՞ւն համար կը բաբախէ վիրաւոր թռչնակին
Կեանքի համար կռուոծ սիրտը՝
Մինչ փետուրներուն վրայ իր արիւնը կը լերդանայ
Ապրելու, սիրելու, սիրուելու կարօտով:
Այս վէրքով չէ՞ որ մարդիկ հաւատք կը կերտեն,
Իրենց ներաշխարհը յուսադրելու համար,
Ու փարթամ տաճարներ կը կառուցեն աղօթելու,
Սփոփուելու, սորվելու և հաւատալու.
Հաւատալու բանի մը, որ պէտք է գոյութիւն
Ունենար կարծեցեալ ճշմարտութեան մէջ,
Ու պահ մը, գոյութիւն ունէր կարծես, իրականէն
Աւելի ճիշդ յատկութեամբ մը կախարդական:
Տեսիլքի մը մէջ անբացատրելի, անվերապրելի,
Անյիշելի, միայն արիւնով զգալի:
Բայց ներկային մէջ այսօր, իրական և ճշգրիտ
Ի՞նչպէս կարելի է զգալ, կամ յիշել:
Ի՞նչպէս կարելի է ճեղքել արեւուն գործի մղող
Ջերմութեան ճառագայթները իրատես,
Երբ մանաւանդ շողերուն մէջ արեւուն
Որոշապէս տաք ու յստակ,
Վիրաւոր սրտերու արեան կաթիլներ կը լերդանան
Սրճագոյն ցոլացումով մը աղտոտ,
Գոց կարմիր վիշտով մը խորունկ, որուն նողկանքը
Ճանճահրապոյր հրաւէր կը ճաճանչէ:
Ելի՛ր եւ նոր առաւօտ մը դիմագրաւէ այս կսկիծով:
Քալէ՛, եւ նոր աչքեր փնտռէ այս սին ցոլքերով:
Աշխատէ՛, եւ նոր կեանք կերտէ այս արեան շաղախով:
Բայց դուն կրնաս, եթէ կը հաւատաս հզօր, հնաբոյր
Աստուածներուն Խալտեան:
Գէորգ Գալայճեան
--Kevork K. Kalayjian, Jr. is a graduate of the AGBU's Melkonian Educational Institute, Nicosia, Cyprus. He holds a B.A. in Political Science and Economics from Fairleigh Dickinson University, Rutherford, NJ, a M.Ed. in Counseling Psychology, from WilliamPaterson University, Wayne, NJ, and CPA requirements completed at Pace University, NYC.An auditor by profession, Kevork resides in NY and likes to paint and write. Some of his poems have been published in literary periodicals such as "Ararat", as well as The Literary Armenian News on groong.org and at www.poetry.com.
- All submissions to TLG MUST be sent to groong@usc.edu and bedros@mac.com. No others will be considered.
- With your submission include a short bio about the author;
- Submissions may not be anonymous, but at the author's request we may use their pen-name and/or withhold their Email address for purposes of privacy;
- Submissions which have not yet been selected will continue to receive consideration for following issues;
- In art, selection is necessarily a judgement call. As such, we will not argue why a particular submission was or was not selected;
- There is no guarantee or promise that a submission will be published.