Անթիլիաս – «ԽԱՉԻԿ ՊԱՊԻԿԵԱՆ»Ի ՄՐՑԱՆԱԿԱԲԱՇԽՈՒԹԻՒՆ

Armenian Catholicosate of Cilicia
Communication and Information Department
PO Box : 70 317 Antelias – LEBANON
Tel: (+961-4) 410 001 / 3
Fax: (+961-4) 419724
E-mail: [email protected]

 

«ԽԱՉԻԿ
ՊԱՊԻԿԵԱՆ»Ի ՄՐՑԱՆԱԿԱԲԱՇԽՈՒԹԻՒՆ

«ՄԻԱՑԵԱԼ ՃԻԳՈՎ ԱՆՀՐԱԺԵՇՏ
Է ՀԱՅ ԴՊՐՈՑԻՆ ՀԱՅԱԿԵՐՏՈՒՄԻ ԱՌԱՔԵԼՈՒԹԻՒՆԸ ՇԵՇՏԵԼ՝ ՀԱՅ ԱՇԱԿԵՐՏԸ ՀԱՅ ԴՊՐՈՑ ԱՌԱՋՆՈՐԴԵԼՈՎ»

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

 

Կիրակի, 17 Յունիս 2018-ի առաւօտուն, Մեծի Տանն Կիլիկիոյ
Կաթողիկոսութեան Վեհարանի Դահլիճին մէջ տեղի ունեցաւ Կաթողիկոսութեանս «Խաչիկ Պապիկեան»
Հիմնադրամի եւ Կրթական-հայագիտական բաժանմունքի կազմակերպած հայ լեզուի ու գրականութեան,
հայոց պատմութեան, մշակոյթի ու կրօնագիտական նիւթերու եւ ասմունքի մրցանքներու մրցանակաբաշխութիւնը։

 

Ն.Ս.Օ.Տ.Տ. Արամ Ա. Վեհափառ Հայրապետին նախագահութիւնը
վայելող այս ձեռնարկին ներկայ էին Խաչիկ Պապիկեանի դուստրերը, ինչպէս նաեւ միաբան հայրեր,
ազգայիններ, տնօրէններ, հայերէնաւանդ նիւթերու դասատուներ, դատակազմերու անդամները,
աշակերտներն ու անոնց ծնողները։

 

Յաւարտ Ս. եւ Անմահ Պատարագին, Վեհարանի դահլիճին
մէջ տեղի ունեցաւ մրցանակաբաշխութիւնը։ Առ այդ, բացման խօսքով հանդէս եկաւ կրթական-հայագիտական
բաժանմունքի վարիչ՝ Տիար Ժիրայր Դանիէլեան։ Բարի գալուստ մաղթելէ ետք, ան լուսարձակի
տակ առաւ հիմնադրամին վերջին ինը տարիներուն նուաճումները, այնուհետեւ «մատը վերքին
վրայ» դնելով՝ թուեց հայագիտութեան դիմագրաւրող մարտահրաւէրները, որոնց դիմակալումը
կը պահանջէ ծրագրաւորում եւ լուրջ հետեւողական աշխատանք։ Խօսքին երկրորդ բաժինով վարիչը
համեմատական մը կատարեց նախորդ տարուան ու այս տարուան աշակերտութեան թուային ներկայութեան
միջեւ։ Այս 122 թեկնածուներ մասնակցած են մրցանաքներուն, որոնցմէ 23-ը մրցանակակիր,
իսկ 10-ն յիշատակութեան արժանացած են։

 

Իր խօսքի աւարտին Դանիէլեան բեմ հրաւիրեց Խաչիկ Պապիկեանի
դուստրը՝ Գարոլ Պապիկեանը, որ փոխանցեց իր սրտի խօսքը։ Ան Պապիկեան ընտանիքին անունով
շնորհաւորեց մասնակցիներն ու մրցանակակիրները, խրախուսեց անոնց հետապնդել իրենց երազները
եւ խոստացաւ նեցուկ կանգնիլ հայ աշակերտին։

 

Ապա տեղի ունեցաւ մրցանակաբաշխութիւնը՝ ձեռամբ Նորին
Սրբութեան, որմէ ետք միջնակարգ բաժնի մրցանակակիրը ասմունքեց Անդրանիկ Ծառուկեանի
«Ուխտ Արարատին»։

 

Աւարտին, Ն.Ս.Օ.Տ.Տ. Արամ Ա. Վեհափառ Հայրապետը տուաւ
իր Հայրապետական պատգամը։ Ան գնահատեց հիմնադրամին տարած աշխատանքը, որ առաջին հերթին
կ՚ամրապնդէ հայուն ինքնութիւնը. ազգ մը կը գոյատեւէ իր արժէքներով, իսկ հանգուցեալ
Խաչիկ Պապիկեանի անունով այս հիմնադրամին առաքելութիւնն է կենսագործել հայ մշակոյթը։
«Հայ դպրոցին առաքելութիւնը մեզի համար կարեւոր է, որովհետեւ ոեւէ այլ դպրոց մը մեր
ժողովուրդին կեանքին մէջ չի՛ կրնար հայ դպրոցին դերակատարութիւնը ստանձնել։ Հայ դպրոցը
մեր ժողովուրդին կը փոխանցէ հայո՛ւ ոգին, որ պատմութեան փոթորկոտ օրերուն մէջ իսկ մեր
ժողովուրդը հաստատ պահեց իր ինքնութեան մէջ», շեշտեց Նորին Սրբութիւնը։ Հայրապետը իր
խօսքը եզրափակեց գնահատելով Հիմնադրամին տարած աշխատանքը, յանձինս Տիար Դանիէլեանին,
դիւանապետ՝ Տիար Խաչիկ Տէտէեանի ու քարտուղար՝ Տիկ. Մարլէն Էվինկիւլեանի, ինչպէս նաեւ
աշխատանքը յաջողութեամբ պսակող բոլոր մասնակիցներուն։

 

Ստորեւ կու տանք «Խաչիկ Պապիկեան» մրցանակակիրներուն
անուանացանկը.-

 

«Հայ լեզուի եւ գրականութեան» մրցանք

 

Միջնակարգ

 

• Առաջին՝ Տեմիս Այվազեան
  (Դպրեվանք)
• Երկրորդ՝ Յակոբ Ճուլֆայեան
  (Հ.Բ.Ը.Մ. Դարուհի Յովակիմեան Երկ. Վրժ.)

           
                
Շանթ Գատէհճեան (Դպրեվանք)

• Երրորդ՝ Փաթիլ Ասատուրեան
  (Ազգ. Եղիշէ Մանուկեան Գոլէճ)

           
               
Քրիստինա Քէօշկէրեան (Ազգ. Միացեալ Վրժ.)

 

Յիշատակութեան
արժանացած են՝

Առաջին՝
Լիւսի Ունճեան (Ազգ. Եղիշէ Մանուկեան Գոլէճ)

Երկրորդ՝
Դուին Հերկելեան (Ազգ. Յ. Գ. Կիւլպէնկեան  Երկդ. Վրժ.)

 

 

Երկրորդական

 

• Առաջին՝
  Շահէ Սրկ. Եագուպեան (Դպրեվանք)
• Երկրորդ՝
  Ռուբէն Էվինկիւլեան (Ազգ. Եղիշէ Մանուկեան Գոլէճ)

«Հայոց պատմութեան, հայ մշակոյթի եւ Կրօնագիտական
նիւթերու» մրցանք

 

Միջնակարգ

 

• Առաջին՝ Հրակ Լախեան (Հմզգ. Մ.
  եւ Հ. Արսլանեան Ճեմարան)
• Երկրորդ՝ Սիլվի Թաթոյեան (Ազգ.
  Միացեալ Վրժ.)
• Երրորդ՝ Փիթըր Մարտիրոսեան
  (Հա. Աւետ. Կեդր. Բարձ. Վրժ.)

           
           
    Արամ Հանտեան (Հմզգ. Մ. եւ Հ. Արսլանեան Ճեմարան)

 

 

Յիշատակութեան
արժանացած է՝

Հրակ
Գըրտանեան (Դպրեվանք)

 

 

Երկրորդական

 

• Առաջին՝ Գրիգոր Սրկ. Արապաթլեան
  (Դպրեվանք)

                       
    Մուշեղ Սրկ. Գարակէօզեան (Դպրեվանք)

• Երկրորդ՝ Լէա Խաչատուրեան
  (Հմզգ. Մ. Եւ Հ. Արսլանեան Ճեմ.)

                       
   Արազ ՔԷօֆթէեան (Հայ. Աւետ. Երկր. Վրժ. Այնճառ)

                       
    Ճորճ Սահիլի (Հայ Աւետ. Կեդ. Բրձ. Վրժ.)

• Երրորդ՝Անժելա Սալորեան (Ազգ.
  Միացեալ Վրժ.)
•  

«ԱՍՄՈՒՆՔ»Ի ՄՐՑԱՆՔ

 

Միջնակարգ

• Առաջին՝ Հրակ Մամիկոնեան (Ազգ.
  Միացեալ Վրժ.)
• Երկրորդ՝ Մեղրի Հապիպ (Ազգ.
  Միացեալ Վրժ.)
• Երոորդ՝ Վարդի Սալխանեան
  (Վահան Թէքէեան Միջ. Վրժ.)
•  

 

Յիշատակութեան
արժանացած են՝

Առաջին՝ 
Սելին Գոգեան (Հայ Կթղ. Պք.ի Ս.Խաչ-Հարպոյեան Բրձ. Վրժ.)

Երկրորդ՝
Նշան Անտրեան (Դպրեվանք)

 

Երկրորդական

 

• Առաջին՝ Պարոյր Սթամպուլեան
  (Ազգ. Յ. Գ. Կիւլպէնկեան Երկդ. Վրժ.)
• Երկրորդ՝ Լիլիթ Յովհաննէսեան
  (Հայ Աւետ. Շամլեան Թաթիկեան Երկ. Վրժ.)
• Երրորդ՝ Արազ Էլէյճեան (Ազգ.
  Միացեալ Վրժ.)

 

 

Յիշատակութեան
արժանացած են՝

Առաջին՝ 
Նազանի Ադամեան (Հայ Աւետ. Երկդ. Վրժ., Այնճար)

           
Կարապետ Պալեան (Դպրեվանք)

Երկրորդ՝
Կարապետ Էօրտէքեան (Դպրեվանք)

           
Ռիթա Մուրատեան (Հմզգ. Մ. եւ Հ. Արսլանեան Ճեմարան)

Երրորդ՝
Պարոյր Ղուկասեան (Ազգ. Յ. Գ. Կիւլպէնկեան Երկդ. Վրժ.)